منتديات أسرار الشباب
Enjoy ur time with us

منتديات أسرار الشباب

احب ما تفعل حتى تفعل ما تحب
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 قرعة صحيحة مع بونيف و زقان

اذهب الى الأسفل 
كاتب الموضوعرسالة
Toufik Bounif
Admin
avatar

عدد المساهمات : 205
تاريخ التسجيل : 18/12/2008
العمر : 30
الموقع : toufikzad.skyrock.com

مُساهمةموضوع: قرعة صحيحة مع بونيف و زقان   الأربعاء أبريل 08, 2009 5:12 am

كتب الأخ zagane من منتديات اللمة الجزائرية هذا الموضوع الجميل ..ولأنني قرعاج كبير ماصبرتش وسرقت من عندو الموضوع باش ننشرو عندي ..قرعاج و سراق ..الله يحفظ و يستر اليوم ..كشما نزيد جرائم ،ماتلومونيش هاذي عقلية الجزائريين العزاز ..


السلام عليكم
كل يوم نسمع عن احداث وحوادث مرورومشاجرات وجرائم قتل في شهر رمضان يرجع دائما فيها السبب الى الصوم ورمضان .
القت شرطة النتدى ديالنا القبض على كل المشبوهين والمتهمين والشهود في هده الاحداث واجرت لهم محاكمة علنية على الشات مباشرة لتكون الشفافية في الحكم.
وبدات المحاكمة الان

صابر:قاضي قضات الشات يتكلم ....بعدما اقسم الجميع نعلن انطلاق المحاكمة ونستمع لاقوال المتهمين والشهود .
الصوم..السلام عليكم
النوم..وعليكم السلام مساء الخير صباح الخير ماعلاباليش الشمس طلعت ولا هبطت
السرعة..لاسلام ولا كلام انتم في رمضان تقتلوا الابرياء في الطرقات وتتهموني انا ..الكلمة الاولى لى تقولوا الافراط في السرعة
النوم ..انا في رمضان يخلطولي لافونس مع الروطار
الصوم .. ياك انا ضيف انجي مرة في العام والناس طول العام منقبل يموتو في الطرقات
السرعة..انت يا صوم تفشلهم وتعيط للنوم اطيحه عليهم ويرتكبو ارهاب الطرقات
النقال..شتاولا شتا كاين واش راكم تهدروا...انا فاني في رمضان يرخسوني في الليل ونولي باطل و في النهار ننتقم منهم ونلهيهم على السياقة ويرتكبو الحوادث.
الزلابية ..الصوم ناس ملاح ومللي يجي وانتوما تاكلوفيه وتبشو فيه ...وغير هو اللي يتفكرني ويعلي لي شاني.
الصلاة..كثير من الناس عليا كانوا غافلين والصوم هو اللي رجعهم لطرق المستقيم
ميشا دلوعة اللمة..الو.....
dصابر:اخطيني وروحي للقسم تاع المطبخ الجزائري راك تشوفي رانا مشغولين الشات ليوم غير للمتهمين
الصوم ..العيب فيهم ...بكري الصحابة رضوان الله عليهم اجمل غزواتهم في رمضان وكانو يجاهدوا صايمين وتاع اليوم كلهم راهم فاشلين.
النوم..قرقجتونا خلوني نرقد ومن بعد المغرب كي ينتحلوا عينينا نهدروا
السرعة..يا خي كاسول النهار للخدمة والهدرة والليل للرقاد على هادا قضيت على كامل الناس.
النوم..واش راحلي انا في الناس والخدمة .
النقال..لازم يا النوم تبكر وتتصل بيا وتعرف احوال المنتدى والبلاد
الصوم..لازم تعيش اليوم كله في نشاط
السرعة..وبركاك يانوم من التخلاط
ميشا دلوعة اللمة.. الو.... فوزي
dصابر:روحي القدرة بدات تنحرق والريحة لحقت لقسم النكت والالغاز
النوم..هههههههههههه ياك لخبار نلقاها مجمولة في القهوة وعلى القعدة تاع الديمينو
الديمينو..يرحم والديكم انا ما تجبدونيش كل يوم يجيبوا بيا السحور ويخلوا صلاة الليل والتهجد
الصلاة..انت ادن سباب المشاكل العائلية واللهو يا الديمينو...اغفلت الناس على النوم وعلى الدكر وعلى ولادهم ونساؤهم وعلى بيوتهم
الصوم..نعم باش يخليهم يدوا الاجر اللي جيت بيه انا ...راه يحرمهم من افضال كثيرة.
النقال ..انا فاني راني نلهيهم في الليل وراهم يدولى كامل الريزوréseau
التدخين..الواحد خاصه سيجارة وانتما جايين عند راسه وتهدروا....انا هو سباب كل الحوادث والزعاف والمشاكل العائلية وغير روحوا بعدوني وهدروا
المخدرات..ااااااي...بلعقل ..انا هي سباب المشاكل...في لفطر نفطن المدمنين وفي رمضان يتوبوا مني وننتقم منهم.
الخمر ..انا فاني ندوخ وما راهمش يشربوني في رمضان مشي غير انت يا المخدرات الخداعة.
الزلابية..ياك انا حلوا عليكم بزاف واش يديروا بيكم يا المرهوجين.
النوم..بداو يبانوا المتهمين الحقيقين وعينيا بداو ينحلوا.
الصوم..انتم كامل شركاء في الجرائم والمشاكل وانا بريئ مما تفعلون.
الصلاة..انا وانت عندنا فوائد كبيرة يا الصوم ..والشيطان باش يضلل الناس يخليهم يتهموا فينا.
الشيطان..ياك انا راني مكتف في رمضان كامل ونتبراء من كل الدنوب.
الدنوب ..من شب على شيئ شاب عليه.. ياك انت زرعتني في قلوب المدنبين من بكري وعندك مدة من لي اديت لا تريد وراك تتفرج برك وتتدخل غير في الكبائر.
الكبائر.. كاين اللي ما حتارموش الصوم وتحالفوا معايا على الشر.
الشر..انا ندي للنار ولكن علاش كي يجوعوا يقولو هدا الشر.
الجيب..انا كي نخوا اباك ما يعرف خالك.على البطاطا وقفة رمضان ما تفراش.
قفة رمضان..سباب الجوع هو الشر مشي الصوم ...انا في الصوم يكرموني ويهدوني للفقراء ويسرقوني الغير اوفياء.
البطاطا ..الان برك عرفت علاش تحبوا الدهب بزاف . وعليها وليت عزيزة عندكم ههههه
الصوم .. هدي وحدة اخرى تثبت بانني بريئء.
الصلاة ..انت بريئ ياك اللي يتهاون بي وما يقيمونيش يديروا كلش حلال..يسرق القفة ويدير الكبائر ويقتل .
dصابر :اطلقوا سراح الصوم انه بريئ.
الصوم.. اريد اعتدارا من طرف الجميع وامام الملاء واهل اللمة الاوفياء اللي عطاوني حقي
dصابر :الكل يعتدر الان للصوم ويتجه الى السجن ما عدا الصلاة فقد حان وقتها

النوم ..اسمحلي
النقال ..اسمح لي
السرعة المفرطة..اسمح لي
التدخين.. اسمحلي
الدومينو.. اسمحلي
المخدرات..اسمحلي
الخمر..اسمح لي
الدنوب..استغفر الله
الشيطان..ابى واستكبر وكان من الخاسرين.
4ALGeRiA IN HeaRTمسكين ZAGANEغير كنت متاهمه بغليب رمضان ورمضان بريئ كون غير يسمحلي
توفيق واه يسمح لينا كامل
ZAGANE السماح وردوا على الموضوع ولا انخرجكم مالشات واحد واحد.
صابر دلوعة منتدى اللمة.. الفطور راه طاب في قسم الطبخ لا تجو تاكلو راه ادن.

وفي الاخير ينتصر دائما الخير على الشر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://gold9.mam9.com
????
زائر



مُساهمةموضوع: رد: قرعة صحيحة مع بونيف و زقان   الثلاثاء يونيو 09, 2009 1:31 pm

موضوع رائع
الرجوع الى أعلى الصفحة اذهب الى الأسفل
 
قرعة صحيحة مع بونيف و زقان
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات أسرار الشباب  :: مساحة المواضيع المطروحة للنشر بالمجلة :: حرية التعبير ...حرية الكلام ...اطرح موضوعك-
انتقل الى: